كتاب جديد ” حكاية فى صورة ” للكاتب جمال هديه
كتب : بدر الهواري
صدر عن دار أمنة للنشر والتوزيع كتاب ” حكاية فى صورة ” للكاتب جمال هديه
الكتاب موجود بمعرض القاهرة الدولي للكتاب سراية 19 الناشرون العرب 2016م و يتحدث هذا الكتاب عن تراث مصر القديمة وعن حكايات مصرية من الزمن الجميل ويقدم لمحة تاريجية عن المدن والقري المصرية والتراث هو ماينتقل من عادات وتقاليد وعلوم واداب وفنون ونحوها من جيل الي جيل ويعد الكتاب رحلة تاريخية ثقافية سياحية ممتعة.
مقدمة الكتاب :
زمان وليالي زمان ولا في الخيال صدق من قال كانت البيوت بالطوب اللبن بس كانت صحية في الشتاء مدفية وفي الصيف مهوية والنور الرباني بأطيافه ينزل على الزجاج الملون بألوانه يعطي البهجة والسرور والتختبوش والمشربية والشيش والشباك والدلو في البير والسقا بالعربية والقربة في القدرة والقلة والإبريق والقروانة والزير أبو حنفية والطواجن على الطبلية والأواني الفخارية والمعالق الخشبية واللمبة الصاروخ والصهارة والفانوس والقناديل بزيت الزيتون تنورنا والكلوب والكانون ووابور الجاز والطاحونة والرحاية والعجينة في الماجور والعيش الشمسي والبتاو في الفرن مسوية والبلاص والبرنية فيهم خير الله والباب مقفول بالضبة والمفتاح الخشب والي عايزنا يدق بالطقطاقة ويشد السقاطة و أحنا على السطح مع خد الجميل ( القصب الأحمر ) وأكل السخينة وسد الحنك ومش القطة أكلة هنية والعيش السخن أبو سمن وسكر والركوبة والجمل توصلنا للغيط والمحرات يحرت الأرض ويسويها والشادوف والساقية شاددها الطور ترويها والنورج يدرس المحصول والغلة بالكيلة في التليس والزكيبة في الصومعة مخزونة والمليم والمية فضة نصرفهم وعبش العروسة صندوق وحصيرة وقلة كمان والخديوي يركب الحنطور والحاشية تجره ولما يزور قنا وأسوان يركب الحمار والصندل والمراكب الشراعية وأنا أسمى جمال هديه وأبويا كان عطار في القيسارية في سوق الولاية المنفلوطية وكان اسمه على محمد هديه وكان لبسه الجبة والقفطان والبدلة والطربوش والجلابية والعصاية الملوية والستات تلبس الشقة والملاية اللف ولما جالنا وابور النور نور شوارعنا وجبنا راديو كهرباء كبير ينور بعد حين ويشتغل بعد حين والتلفزيون كان ليه رخصة وكمان ضريبة نشوف فيه المسحراتي بطبلته يطربنا بغنوته في رمضان على الصفارة والمدفع نفطر ونتسحر وفي الجامع نصلي الفجر وندعي ونقول يارب في النواره نقضي حوا يجنا ونروح الكتاب نحفظ القران على اللوح الصفيح نكتب الحمد لله رب العالمين
